TITI MÅNGSÅ
Kariptå déning: Kang Joyo Juwoto
Nalikå jago wis pådhå kluruk
Ramé pådhå kemruyuk
Nalikå srengéngé wus katon mlethèk ing sisih wétan
Padhang byar madhangi bumi gumelar
Nalikå prawan désa såbå menyang blumbang
Angudi tirtå wening saking sendhang
Elingå yèn mångså iku dhudhuk watu
Mångså kuwi lumaku
Pindhå mégå ing angkåså
Kang tan owah gingsir ing rubedå
Sing cilik dadi gedhé
Sing peteng dadi padhang
Wong bodho pådhå dadi pinter
Sing pinter ngudi bebener
Èling-èling duk tekan titi mangsané
Mbesok ing jaman sulåyå
Kabèh ngaku bener
Rebut pinter
Ning jebulé malah keblinger
Pådhå rebut kuaså
Jebulé mung bisa gawé rekåså
Kabèh ngaku becik
Jebulé malah kuwalik
Kabéh ngaku tulådhå
Jebulé mung biså gawé memålå
Mulå manungså kang béjå punikå
Kang tansah ngudi èling lan waspådå
Bangilan, 14 Agustus 2020
Tidak ada komentar:
Posting Komentar