Manunggaling Kawula Gusti

MANUNGGALING KAWULÅ GUSTI

Kariptå déning: Kang Joyo Juwoto

Wengi iki tan såyå ening

Swårå jangkrik lan sato anglir kepati

Sumiliré angin anggåndå wangi puspå melathi

Hyang wulan merbabak bang kencånå ing jumantårå

Amadhangi jagad salumahing bawånå

Ing antarané langit angkasa lan langit ing jroning dhådhå

Cahyå kumålå madhangi jagading jiwå

Memuji marang Dzat Kang Suci ing telenging ati

Hu hu hu kang tånpå upami

Duh Gusti sun tansah amemuji

Kelawan lair lan bathin

Kelawan dhohir lan sir

Hu såpå Irå såpå ingsun

Hu tan ånå Pengeran kajåbå Hu

Duh Gusti sun tansah amemuji

Marang Hu kang tan kenå kinåyå ngåpå

Lebur sirnå tan ånå rupå kajåbå Hu Kang Sejati

Hu Allah... 

Hu Råbbi... 

Hu... Hu... Hu...

Manjing manunggal antarané kawula lan Gusti

Bangilan, 14/10/2020